Shkon në 120 numri i të helmuarve në Bulqizë/ ISHSH jep urdhër

Burime nga spitali i Bulqizës për Gazetën Liberale thanë se numri i personave të helmuar ka shkuar në 120.

Gjatë natës nuk ka pasur asnjë rast të ri, por në mëngjes janë paraqitur 4 persona të tjerë me shenja të lehta helmimi.

Të tjerët që po merrnin mjekim më parë kanë dalë nga spitali dhe janë në gjendje të mirë shëndetësore.

Ndërkohë Inspektoriati Shtetëror Shëndetësor ka dhënë urdhër që uji i pijshëm të mos përdoret nga banorët deri sa të dalin përgjigjet e analizave. Ato pritet që të dalin sot në darkë.

Helmimi masiv ndodhi të shtunën, ku shumë persona me të njejtat simptoma kanë shkuar në spitalin e Bulqizës për mjekim.