Shpërthen Ilir Meta: Nuk e lejoj gruan të ulet në një tavolinë me Ramën

Presidenti i vendit Ilir Meta tha se nuk mund të ulë në një tryezë dialogu Lulzim BashënMonika Kryemadhin dhe Edi Ramën, pasi krerët e opozitën nuk duan që të futen në dialog me Ramën kryeministër. 

Gjatë fjalës së mbajtur në konferencën me temë: “Sfidat e Sigurisë në Ballkan dhe roli i aktorëve të jashtëm në kohën e tranzicionit euroatlantik”, Meta tha se presidenti ka bërë sa mundur për një dialog mes palëve politike në vend për të gjetur zgjidhjen krizës politike. 

“Kemi krizë serioze në Shqipëri që nuk mund t’i shmangemi, duhet të sillemi me përgjegjësi.

Jemi vend i NATO-s, kemi detyrim të garantojmë sigurinë dhe si një vend që dëshiron të çelë negociatat.

Pasi vendi pësoi 1997 u bë një Kushtetutë e jashtëzakonshme.

Në vitin 2008 për dy ditë ia hoqëm të gjitha vidat Kushtetutës dhe kaluan nga sistemi parlamentar te sistemi i mbyllur partiak.

Kjo është e vërteta për situatën që kemi sot. Dy partitë e opozitës në mënyrë të papranueshme kanë lënë mandatet, por sistemi ka qenë jo funksional edhe kur kanë qenë ata.

Po dëgjoj njerëz duke thënë se çfarë bën presidenti? Unë kamë bërë atë që më takon.

Presidenti nuk mund të ulë disa persona që thonë nuk ulem me këtë se është kryeministër ndërsa tjetri thotë se 30 qershori do të jetë sukses” , tha Meta. (TemA)