Shqipëria drejt izolimit, Hahn kërkon hapjen e negociatave për Maqedoninë e Veriut: Të mos penalizohet meqë shtete të tjera kanë mbetur pas

Komisioneri për zgjerimin në BE, Johanes Hahn ka reaguar përmes faqes së tij në Tëitter duke kërkuar hapje të negociatave për Maqedoninë e Veriut.

Ajo që bën përshtypje në mesazhin e tij është fakti se thekson që Maqedonia e Veriut nuk duhet të penalizohet në procesin e integrimit për shkak të shteteve të tjera që kanë mbetur pas. Ndonësë nuk e përmend me emër, Hahn i referohet këtu Shqipërisë, e cila prej disa muajsh ka hyrë në një spirale krize poltike. SIpas komisionerit procesi i zgjerimit në BE duhet të mbështetet në meritat e secilit shtet dhe se sipas tij Maqedonia e Veriut ka bërë progres të madh në këtë drejtim.

Kjo është hera e para që Komisioneri për Zgjerimin në BE kërkon avancim të procesit të integrimit të një shteti, pa u penalizuar nga situata në shtete të tjera. Kundër hapjes së negociatave për Shqipërinë është shprehur sot edhe kreu i opozitës franceze. Sipas tij Shqipëria nuk mund të avancojë në BE për shkak të nivelit të lartë të krimit dhe korrupsionit.