“Të mos biem në…”/ Bushati edhe në Kuvend: U përsërit rekomandimi

Ish-ministri për Europën dhe Punët e Jashtme, Ditmir Bushati ka theksuar edhe një herë në Kuvend se rekomandimi i Komisionit Europian është i përsëritur njëlloj si ai i vitit të kaluar.

Bushati tha se raporti paraqiste punën e bërë nga ana e Shqipërisë, por nuk la pa thënë se “gjithashtu paraqiste një rrugë dhe një pasqyrë ku duhet të shihemi dhe të mos përsëritim gabimet e së shkuarës ose të mos biem në kurthin e vetëkënaqësisë”.

Edhe dje në një status në Tëitter deputeti i PS shkruante se: “Komisioni Evropian përsërit rekomandimin Këshillit për çeljen e negociatave me Shqipërinë, bazuar ne progresin e arritur dhe kalendarit të miratuar në qershor të vitit 2018 prej Këshillit. Lajm i shkëlqyer për Shqipërinë dhe për besueshmërinë e procesit të zgjerimit”.