Vetëm 60 minuta protestë / Basha i lutet ndërkombëtarve: Ne nuk e rrëzojmë dot vetëm Edi Ramën

Kryedemokrati Lulzim Basha është kthyer sërish brenda 60 minutash  në ambientet e Selisë Blu së bashku me mbështetësit e opozitës, aty ku ka mbyllur dhe protestën e sotme.

Basha u ka dërguar një mesazh të qartë dhe të fortë ndërkombëtarëve, duke u shprehur se shpresa që ka lindur nuk do të fiket derisa beteja të fitohet plotësisht pasi janë gati të sakrifikojnë gjithçka.

‘Sot ishte pjesëmarrja më masive në 29 vite. Mesazhi më i qartë i shpresës që ka lindur e që nuk do të fiklet derisa beteja me të keqen të fitohet plotësisht. Cdo ditë e më shumë protestat tona bëhen më të mëdha. Bashkimi i shqiptarëve bëhet më i vendosur. Mesazhi i sotëm është i qartë dhe i prerë ndaj aleatëve tanë ndërkombëtar.

Ne jemi gati të saktifikojmë gjithcka për votën e lirë. Europa e dëgjoi zërin tonë dhe tashmë është koha për zgjidhje politike. Largimi i Ramës, clirimi i vendit dhe përgatitja e zgjedhjeve të lira. Ne nuk do të pranojmë kurrë më dhuën e krimit të organizuar në kutitë e votimit që kthehen në kutitë e plackitjes së popullit shqiptar. Ne jemi gati që së bashku me gjithë faktorët e përgjegjshëm politik të vendit të hapim, rrugën e zgjdihjes politike të vendit. Së pari me largimin e pengëmarrëit dhe përmes një qeverie tranzitore ti hapim rrugë zgjedhjeve të lira dhe të ndershme.

Ata që mendojmë se mund ta marrin këtë popull dhe qeverisjen e këtij vendi me banditë e kryebanditë, kjo nuk ka për të ndodhur. Kjo përballje do të jetë deri në fitoren e kësaj beteje. Në këtë mbrëmje të mbushur me shpresë, optimizëm, të mbushur me mesazhe pozitive të vullnetit tuaj për të cliruar vendin nga pengmarrja e krimit’, tha Basha.

Më tej, kryedemokrati u shpreh se qytetarët janë gati ta çojnë këtë betejë deri në fund, drejt çlirimit të vendit nga zgjedha e krimit.

‘Ne jemi gati ta cojmë këtë betejë deri në fund, dhe po kështu paralajmërimi se dhuna e krimit do ta thyej këtë vendosmëri popullore, gabon rëndë. Rama ik, hapi rrugë zgjidhjes politike. Betëja jonë po shkon drejt fundit që paracakton historia për kombet që nuk pranojnë të keqen. Beteja jonë po shkon drejt clirimit të Shqipërisë nga krimit’, përmbylli Lulzim Basha.