Vetëm Luli, Mona dhe Dulja do e fusin Shqipërinë në BE

Sekretari i Përgjithshëm i PD Gazment Bardhi shprehet se për sa kohë që kryeministri Rama të jetë në pushtet dera e Bashkimit Europian do të jetë e mbyllur.

Në një konferencë për shtyp, Bardhi u shpreh se Partia Demokratike do të përmbushë misionin e saj për ta bërë Shqipërinë si gjithë Europa.

‘Sa kohë Rama të jetë në krye të Qeverisë dera e BE do të jetë e mbyllyr. Ne kemi lindur si një parti që duam ta bëjmë Shqipërinë si gjithë Europa. Sa kohë kemi qenë në pushtet kemi bërë shumë për tu afruar me BE’, tha Bardhi.

Gjithashtu ai theksoi se PD nuk vjen në pushtet për tu shërbyer njerëzve rreth vetes, por të jetë sa më pranë qytetarëve.

‘PD nuk vjen në pyushtet për ti shërbyer njerëzve që mbanë pranë vetes. Me zgjedhje të lira dhe të ndershme ne duam të jemi sa më pranë qytetarëve. Në dy zgjedhjet e para, në 2015 dhe 2017 nuk ka diktuar vullneti i qytetarëve, por ka dikurar dora e kriminelëve’, shtoi sekretari i PD.

Më tej, Gazment Bardhi ka ftuar qytetarët ti bashkohen masivisht protestës së opozitës më 11 maj.

‘Ju ftojmë të gjithëve që të angazhohemi dhe të bindim çdo qytetar për betejën e 11 majit. Miqtë e mi shpjegojuani njerëzve se ne nuk po bëjmë betejë që PD të vijë në pushtet. Atë betejë do ta bëjmë kur të kemi siguruar zgjedhje të lira e të ndershme.’