Votimi për PE/ Greqia shkon në zgjedhje të parakohshme

Pas rezultatit zhgënjyes të partisë së tij në zgjedhjet europiane, kryeministri grek, Alexis Tsipras, ka bërë thirrje për zgjedhje të parakohshme.

Syriza e tij mori vetëm 23.94 për qind të votave, e tejkaluar nga partia më e madhe opozitare, Demokracia e Re, e cila mori 33.28 për qind.

Mësohet se kreu i Demokracisë së Re, Kyriakos Mitsotakis, ka kërkuar dorëheqjen e kryeministrit Tsipras dhe shpalljen e zgjedhjeve të parakohshme kombëtare.