Vrau për gjakmarrje në 2012, kapet 42- vjeçari

Operacion “Dukagjini” i kryer në kushte të vëshira moti dhe terreni nga Policia e Shkodrës ka vënë në pranga një të shumëkërkuar për vrasje.

Lush Pjollaj, 42 vjeç, fshihej në një banesë në fshatin Vuksanaj të  Dukagjinit. Pjollaj ishte dënuar në vitin 2013 nga Gjykata e Rrethit Gjyqësor Shkodër me 23 vjet burgim për veprën penale “Vrasja me paramendim”, pasi me datën 12.09.2012 në lagjen Pjollaj të fshatit Vuksanaj, ka vrarë me armë zjarri shtetasin M. T. 56 vjeç për motive të gjakmarrjes.

Gjithashtu policia njofton se ka vënë në pranga dhe Edmond Beqari, 40 vjeç, banues në Shkodër, pasi ishte dënuar nga Gjykata e Rrethit Gjyqësor Shkodër me 5 vjet e 6 gjashtë muaj burg për veprën penale ‘’Prodhimi dhe shitja e narkotikëve”. Materialet iu referuan Prokurorisë së Rrethit Gjyqësor Shkodër për veprime të mëtejshme.