Vuçiç anullon vizitën në Tiranë / A do ketë protesta?

Kryeministri Edi Rama ka udhëtuar së fundmi drejt Sarajevës ku mori pjesë në takimin vjetor të Bankës Europiane për Rindërtim dhe Zhvillim, e cila ka në fokus të veçantë Ballkanin dhe investimet në rajonin tonë.

Një vëmendje të veçantë merr pyetja e gazetares, që ka bërë që Rama t’i shmanget pyetjes.

‘Çmendoni për protestat në Tiranë dhe për mosardhjen e Vuçiç dhe Daçiç’, pyeti gazetarja, duke nënkuptuar kështu se presidenti serb ka anuluar vizitën në Tiranë.

‘Ka shumë më tepër çështje në Britani sesa në Ballkan kështu që mos u shqetësoni, nuk jemi vetëm’, tha kryeministri shqiptar.

Më herët është njoftuar se presidenti Aleksandër Vuçiç do të udhëtonte mbrëmjen e sotme drejt Tiranës për t’u takuar me Përfaqësuesen e Lartë të BE-së, Federica Mogherini në kuadër të procesit ‘Brdo-Brioni’ i cili do të zgjasë dy ditë.