Zbythet PD nga presioni ambasadave / KOMIKU: Mos merrni bomba Molotov vetëm për sot

Pak minuta para nisjes së protestës së opozitës, sekretari i përgjithshëm i PD-së, Gazmend Bardhi është munduar të qetësojë zërat duke deklaruar se protesta e opozitës nuk do të jetë e dhunshme.

Bardhi, në një konferencë për media nga selia e kësaj partie, ka deklaruar se lajmet në media për futjen e bombave molotov në protestë janë sajesë e qeverisë. Ai u distancua gjithashtu parrullat e shkruajtura në pallatin e ambasadorit të OSBE-së në Shqipëri, Bernard Borchardt, duke i bërë thirrje prokurorisë të hetojë për gjetjen e autorëve.

Deklarata e Bardhit:

Futja e bombave molotov një sajesë e neveritshme që synon përplasje. PD do mbajë sot një marshim protestë kundër dhunës. Jemi të angazhuar vetëm për protestë paqësore. Ne refuzojmë dhunën dhe krimin e organizuar për të ardhur në pushtet. Është e neveritshme çdo përpjekje, si ajo e parrullave në banesën e ambasadorit të BE. Ne i bëjmë thirrje prokurorisë të gjejë kush janë autorët.

PD është e vendosur të mos bëjë asnjë hap pas. Ne jemi distancuar nga dhuna dhe e kemi denoncuar atë që në 11 maj. Skenarët kriminal i Edi Ramës, dhuna dhe terrori ndaj protestuesit nuk kanë për të fituar. Ju ftoj të gjithëve në 18:30 në marshim protestën e opozitës.