5 orë debat në Kuvend për shkarkimin e Metës!

Konferenca e Kryetarëve vendosi sot në mbledhje se do bëhen 5 orë debat të enjten në Kuvend për shkarkimin e Metës pasi anuloi zgjedhjet e 30 qershorit.

Dje kreu i grupit parlamentar të Partisë Socialiste, Taulant Balla dorëzoi kërkesën me mocion për debat.

Po dje gjatë mbledhjes së Kryesisë mësohet se kryeministri, Edi Rama ka thënë se seanca plenare e ditës së enjte do të finalizohet me rezolutë për shkarkimin e presidentit.

“Vendimi i presidentit ishte i pritshëm! Ne jemi republike parlamentare, jo presidenciale. Ndaj asgjë s’na ndal të vijojme përpara me 30 qershorin. Të enjten debat shumë i gjatë parlamentar. Të shpalosim të gjitha argumentat kundër këtij vendimi të presidentit. E enjtja do të finalizohet me rezolutë për shkarkimin e presidentit. Duhet të fokusohemi në 30 qershor. Jemi në mes të lojës. Pas debatit çështja diskutohet në KQZ e më pas do kalojë në kolegj. Fokusi jonë 30 qershori”, – mësohet të jetë shprehur Rama.