Kisha në Durrës publikon pamjet e hajdutit që i vodhi dhe kërkon ndihmë për identifikimin

Famullia Shën Domeniku në Durrës, e cila ra preh e grabitjes pak ditë më parë, ka publikuar pamjet filmike të kamerave të sigurisë lidhur me autorin e kësaj ngjarje.

Në reagimin e tyre përfaqësuesit e kishës shprehen se: “Të vjedhësh është mëkat…akoma më shumë kur vjedh në Kishë! Të dielën, Festa e Rrëshajeve, një person ka vjedhur para në Kishën tonë. Janë lekë të popullit që përdoren për t’iu ardhur në ndihmë nevojtarëve dhe për punimet në Kishë. Le të bashkëpunojme me Policinë e Shtetit duke identifikuar këtë person. Njëkohësisht lutemi për të dhe për bashkësinë tonë famullitare që të këtë gjithnjë e më shumë një ndërgjegje të pastër.”