Rama në mbledhje: Shkarkimin e Metës e vendosim të enjten

Gjatë mbledhjes së Kryesisë së Partisë Socialiste mësohet se kryeministri, Edi Rama ka thënë se seanca plenare e ditës së enjte do të finalizohet me rezolute per shkarkimin e presidentit.

“Vendimi i presidentit ishte i pritshëm!  Ne jemi republike parlamentare, jo presidenciale. Ndaj asgjë s’na ndal të vijojme përpara me 30 qershorin. Të enjten debat shumë i gjatë parlamentar. Të shpalosim të gjitha argumentat kundër këtij vendimi të presidentit. E enjtja do të finalizohet me rezolutë për shkarkimin e presidentit. Duhet të fokusohemi në 30 qershor. Jemi në mes të lojës. Pas debatit çështja diskutohet në KQZ e më pas do kalojë në kolegj. Fokusi jonë 30 qershori”, -mësohet të jetë shprehur Rama.

Ndërsa pak më herët pas mbledhjes së kryesisë së PS-së, deputetja socialiste, Elisa Spiropali tha se partia e saj do të shkarkojë Presidentin e Republikës.