Rama: Saliu më i vështirë dhe më i egër se Luli, por nuk ka ikur nga zgjedhjet

Përplasja dhe ngërçi i krijuar me zgjedhjet e 30 qershorit ka rritur dashurinë e kryeministrit Edi Rama për paraardhësin e tij.

Duke e krahasuar me kreun e PD-së, Lulzim Basha, Rama thotë se Berisha  është më i vështirë si natyre por nuk ka ikur ndonjëherë nga zgjedhjet.

Rama: Saliu me thënë të drejtën, duhet me i dhënë Çezarit atë që i takon Çezarit. Në krahasim me Lulin është shumë më i vështirë, shumë më i egër, por nuk ka ik nga ndonjë palë zgjedhjesh. Keqardhje permante. Ai e ka, rrena e dytë mbulon të parën.

Rama madje zbuloi se po i çon ujin Berishës deri në vendlindjen e tij, Viçidol, ku edhe ka ndërtuar kullën e tij.

Ndërsa për dekretin e Presidentit Meta për shfuqizimin e 30 qershorit si datë zgjedhjesh, Rama tha se “dekreti idiotik është një ndërtim pa leje në hapësirën e përbashkët politike”.