Salvador Kaçaj kërkesë për t’u çregjistruar nga gara për kryebashkiak

Salvador Kaçaj ka bërë kërkesë në Kolegjin Zgjedhor që të çregjistrohet nga gara si kandidat për kryetar bashkie në Lezhë.

Pak ditë më parë, Kaçaj u tërhoq nga gara për kryebashkiak nën siglën e Bindjes Demokratike.

“Unë nuk mund të shërbej si fasadë e përpjekjes për të rikthyer në Shqipëri një regjim njëpartiak, të përzier me krimin. Është bindja ime më e thellë se zgjedhjet farsë, pa opozitën e vërtetë në 30 Qershor do të ishin shkatërrimtare për qytetarët e Lezhës dhe të të gjthë Shqipërisë”.

Kaçaj nënvizon se jo gjithmonë ka përkrahur vendimet politike të Partisë Demokratike, por gjykon se beteja e opozitës për zgjedhje të lira e të ndershme është e drejtë dhe duhet përkrahur pa asnjë rezervë.