Suprizon Gatusso: Vendimin për tu larguar e kisha marrë me kohë

Milani për momentin është pa trajnër, pasi Gennaro Gatusso dha dorëheqjen para disa ditësh, por ka qenë vetë trajneri që ka zbuluar një detaj në lidhje me këtë lëvizje.

Në një intervistë të dhënë për televisionin “Sport Mediaset” italiani ka rrëfyer aventurën e tij tek kuqezinjtë dhe disa tema pikante lidhur mbi largimin e tij.

“Ishte një aventurë fantastike për mua. Falenderoj klubin dhe drejtuesit që më dhanë mundësinë të drejtoja këtë skuadër. Ky grup lojtarësh dha maksimumin. Mund të ishim kualifikuar në Champions, por nuk ja arritëm dot”, u shpreh Gatusso,

Vendimi për tu larguar?

“E mora vendimin për tu larguar, që përpara se të luanim me Sampdorian. Në këtë profesion është mirë të flasësh pak. Mediat kishin muaj që aludonin vendimin tim dhe ja tani e morën.”