Tërmeti i fuqishëm në Korçë, plagosen dy persona në kokë dhe trup

Dy persona janë plagosur në fshatin Floq të Korçës  për shkak të tërmetiti të fortë që tronditi gjithë qytetin mëngjesin e sotëm.

Mësohet se ata kanë pasur dëmtime në kokë dhe në trup për shkak se shtëpia ka pësuar plasje nga tërmeti.

Ngjarja

Disa lëkundje të forta tërmeti janë ndjerë sot në mëngjes në rrethin e Korçës rreth orës 06:33 minuta.

Tërmeti ishte me magnitudë 5 ballë dhe thellësi 10 km.

Aq i fortë ka qenë saqë ka alarmuar qytetarët, të cilët kanë dalë jashtë banesave të tyre.

Raportohet se epiqendra ka qenë në fshatin Mollas të rrethit të Korçës, ndërsa në 3 banesa në fshatin Vidohovë të Devollit ka patur dëmtime.

Lëkundjet e tërmetit kanë zgjatur për disa sekonda.