U përdhunua në fëmijëri, 17-vjeçarja i jep fund jetës me eutanazi

Një 17-vjeçare, viktimë e një përdhunimi i dha fund jetës së saj në Holandë me ndihmën e eutanazisë ligjore, pasi ajo deklaroi se vuajtja e saj u bë “e padurueshme”.

Noa Pothoven vdiq të dielën në shtëpinë e saj në qytetin Arnhem.

Eutanazia është e ligjshme në Holandë në kushte të caktuara, përfshirë miratimin nga një mjek. Pothoven kohët e fundit kishte shkruar vazhdimisht në mediat sociale në lidhje me betejën e saj me depresionin, ndërsa në Instagram ajo kishte theksuar se “brenda 10 ditëve do të vdiste”.

“Kam diskutuar për një kohë të gjatë nëse duhet ta bëjë këtë, por e kam vendosur ta bëj një gjë të tillë gjithsesi”, shkruante ajo, sipas Inside Edition. “Ndoshta kjo vjen si surprizë për disa, duke pasur parasysh postimet e mia në lidhje me gjendjen shëndetësore, por plani im ka qenë i tillë për një kohë të gjatë dhe nuk është i momentit”.

Ajo shtoi se për një kohë ka ndërprerë ushqyerjen dhe tani, pas shumë debateve dhe mendimesh, u vendos që të më lejojnë të shkoj, pasi vuajtja ime është e padurueshme.

Pothoven ishte përdhunuar kur ishte fëmijë, e cila shkruajti edhe një libër për betejën e saj me depresionin. Ajo u kërkoi njerëzve që t’mos përpiqen për t’i ndryshuar mendjen dhe vendimin për t’i dhënë fund jetës.

Inside Edition shkruan se më shumë se 6 000 njerëz i dhanë fund jetës së tyre në vitin 2017, duke përdorur eutanazinë në Holandë./ Gazeta Liberale