Video/ Sulm i frikshëm në ndërtesën qeveritare në SHBA, ka viktima

12 persona u vranë dhe disa u plagosën të premten gjatë një sulmi në një ndërtesë qeveritare në shtetin e Virxhinias në SHBA, njofton BBC.

Policia tha se i dyshuari është një punonjës i shërbimeve publike. I armatosuri, identiteti i të cilit nuk u bë i ditur, u vra gjatë një shkëmbimi me armë zjarri me policinë.

Zyrtarët thanë se u plagos edhe një oficer u plagos gjatë shkëmbimit të zjarrit.

Një nga viktimat u qëllua jashtë në një makinë, dhe pjesa tjetër u gjetën në tre kate të ndërtesës qeveritare, tha shefi i policisë James Cervera.

Katër oficerë hynë në ndërtesë dhe e gjetën personin e armatosur brenda, tha shefi Cervera. Sulmuesi u vra pastaj në një shkëmbim me armë zjarri.

Shefi i policisë tha se situata ishte e tmerrshme dhe mund të përshkruhej më mirë si një “zonë lufte”, shkruan BBC