Zbulohet shkaku i ndarjes së Chris Martin dhe Dakota Johnson

Është zbuluar arsyeja e ndarjes së Chris Martin dhe Dakota Johnson. Mediat rozë raportojnë se çifti i famshëm u nda për shkak se aktorja nuk dëshironte të bënte fëmijë.

Këngëtari 42-vjeçar tashmë ka dy fëmijë me ish bashkëshorten Gwyneth Paltrow, vajzën Apple 14-vjeç dhe djalin Moses, 12-vjeç.

Por ylli i Cold Play dëshironte të shtonte familjen e tij. Madje ai dëshironte të blinte edhe një shtëpi plazhi në Malibu me shpresën për të jetuar aty me aktoren dhe krijimin e një familje së bashku.

Por burime të afërta të çiftit thonë se lidhja e tij 20 mujore u shkatërrua nga kërkesa e Chris për të pasur fëmijë.

“Chris e bëri të qartë se dëshiron më shumë fëmijë sa më shpejt të jetë e mundur. Por karriera e Dakota sapo ka nisur dhe kjo ishte gjëja e fundit që i vinte në mendje të bënte. Muajin e kaluar kuptuan se kishin qëndrime krejtësisht të kundërta kështu që vendosën ti jepnin fund,”-tha një burim për The Sun.

Ndarja erdhi vetëm disa muaji pasi këngëtari dhe 29-vjeçarja diskutuan planet për tu martuar.