Aksidentoi për vdekje 2 gra dhe një fëmijë, lihet në burg Belortaja

Gjykata e Korçës ka lënë në burg Olsi Belortajën, ish agjenti doganor, i cili aksidentoi për vdekje 3 persona.

Aksidenti i rëndë ndodhi në rrugën e Kapshticës ku ndërruan jetë në vend dy gra dhe fëmija në spitalin e Tiranës, pas një dite.

Viktimat dhe i plagosuri ishin duke kaluar rrugën kur u përplasën nga një automjet që drejtohej nga agjenti doganor Olsi Belortajën, i cili pas aksidentit u largua nga vendngjarja.

Viktimat e aksidentit ishin shtetasja A.G, 32 vjeçe, shtetasja V.Ç, 34 vjeçe, banuese në Kapshticë, si edhe një fëmijë.

Pasi u largua nga vendngjarja policia gjeti dhe shoqëroi në komisariatin e Devollit pak pas aksidentit Olsi Belortajën. Pas kryerjes të testit të alkoolit rezultoi se drejtonte mjetin në gjendje të dehur në masën 0.82 mg/l.