Argjentina në Ligën e Kombeve? UEFA vendos pikat mbi “i”

Zërat e një përfshirje të kombëtares argjentinase në Ligën e Kombeve kanë marrë një goditje të fortë nga UEFA.

Organi më i lartë i futbollit europian ka zbuluar se pavarësisht lajmeve që po qarkullojnë në mediat audio-vizive, UEFA nuk i ka bërë ftesë kombëtares Albiceleste për të marrë pjesë në asnjë kompeticion të tyrin, diçka që nuk e bëj kurrë.

“Nuk ka asnjë të vërtetë në sugjerimin se Argjentina është kërkuar të marrë pjesë në garat UEFA, as të bëhet anëtare e UEFA-s. UEFA kurrë nuk ka hyrë në ndonjë diskutim për këtë çështje dhe nuk do ta bëjë kurrë këtë. Sidoqoftë, në frymën e miqësisë dhe shoqërisë dhe si një organizatë gjithëpërfshirëse, UEFA, natyrisht, do ta ftojë Argjentinën si mysafirë të veçantë për të parë çdo konkurs të UEFA-s në çdo kohë”.

Një ftesë e tillë u spekulua nga “Fox Sports” menjëherë pas konfliktit që lindi mes kombëtares argjentinase dhe CONMEBOL, i cili mori shkas nga eliminimi i papritur i kombëtares së Lionel Messit nga Kupa e Amerikës.