Basha tallet me tropojanët: Ju betohem që protestën tjetër Rama do të ik

Kreu i PD Lulzim Basha ka mbyllur pak më parë nga Selia Blu  protestën e 10-kombëtare në Tiranë, ndërsa ka treguar si do të vijohet në vazhdim.

Basha tha se ditët dhe javët në vazhdim do të jenë të ngjeshura me aksion politik, ndërsa për këtë u zotua përpara tyre, flamurit Kuq e Zi dhe Zotit.

‘Të gjithë ata që janë bashkuar në këtë betejë, duhet ta dinë që edhe në ditët në vazhdim se PD dhe opozita e bashkuar e ka dëgjuar klithmën tuaj për ndryshim. Koha për ndryshim është tani. Ditët e javët në vijim do të jenë ditë të ngjeshura të aksionit politik. Edi Rama do të largohet, por është detyra jonë të mos mjaftohemi me rotacion politik, por tu japim shqiptarëve atë që meritojnë, fundin e këtij tranzicioni. Ky është zotimi im përpara jush, përpara flamurit kuqe zi dhe para Zotit’, tha ndër të tjera Basha.

Më tej, kryedemokrati shtoi ‘Edi Rama e ka marrë vulën e largimit nga shumica absolute e shqiptarëve. Ne sot jemi të bindur se jemi në krye të një shumice absolute të votës më të pastër të 30 qershorit, 85% e shqiptarëve që folën me heshtje, tallje e brohorima ‘Rama ik’.’