Dita e Pavarësisë, Trump nxjerr tanke në rrugët e Washingtonit

Presdienti Trump është përpjekur ta kthejë në një shfaqje force, festimet për Ditëne Pavarësisë. Së paku dy transportues Bradley dhe dy tanke M1A1 Abrams janë vendosur në qendër të kryeqytetit amerikan, me rastin e 4 korrikut.

Ushtria e Shteteve të Bashkuara të Amerikës u kërkoi banorëve të Uashingtonit të mos përfshihen nga paniku nga këto mjete luftarake.

Presidenti i Shteteve të Bashkuara, Donald Trump, tha se festimet do të jenë një shfaqje që vjen një herë në jetë. Ai pritet të mbajë edhe një fjalim, gjë që nuk përkon me traditën. Kritikët thonë se Trump do të përpiqet ta përdorë këtë ngjarje si fushatë për mandatin e dytë në Shtëpinë e Bardhë.

Katër korriku shënon 243-vjetorin e pavarësisë së SHBA-së.