Fuga diskuton për reformën në ASH, Valteri: Fol me nipin, ai e bind Ramën

Gjatë mbledhjes së komisionit të medias ditën e sotme akademiku Artan Fuga ka paraqitur draftin e tij për Reformimin e Akademisë së Shkencave. Fuga si fillim kritikoi projekt-ligjin e ardhur nga disa deputetët të parlamentit.

“Projektligji që iu ka ardhur nga grupi i deputetëve shqiptarë nuk respekton vlerat e komitetit shkencor” tha ai, duke shtuar më vonë se “Si mund të gjykohet për reformimin e një institucioni ku nga 6 reforma ka prodhuar vetëm 1”

Por gjatë këtij momenti ka ndërhyrë deputeti i opozitës së re në parlament, Halit Valteri. Ai ju drejtua Fugës duke i thënë se nuk ka nevojë të pyesë deputetët e mazhorancës pasi mund të flasë me nipin e tij i cili mund ta bindë me shpejt kryeministrin.

Kjo është Akademia e Shkencave dhe të mos bëjmë të njëjtin gabim që bë Rama që ta trajtojmë mazhorancë-opozitë. Nuk ke nevojë të thuash asgjë Eglantina Gjermenit, apo Lindita Nikollit. I vetmi njeri që i hedh trutë Ramës është nipi juaj. Fol me nipin dhe hajde të flasim për reformat. Ju e keni problemin familjar” tha Valteri.

Fuga u përgjigj se ai nuk i ngatërron cështjet familjare me ato profesionale pasi kjo do të përbënte korrupsion pasiv. Ai theksoi dhe njëherë se është duke dënuar veprimet e Akademisë nga ana proceduriale të cilat sipas tij janë të paligjshme.

Unë nuk i ngatërroj problemet familjare me ato të punës sepse kjo do të përbënte një korrupsion pasiv. Nuk jam duke folur për kontekstin por për procedurën. Nga ana proceduriale Akademia e Shkencave bën për herë të dytë zgjedhje të paligjshme sepse kandidon dikush që është kryetar partie, që ligji e ndalon” tha ndër të tjera Fuga.