Dështon mitingu / Basha largohet i turpëruar nga Puka

BASHA NGA PUKA: ËSHTË KOHA TË SHPORRIM RAMËN, BABËZIA E TIJ KTHEU VENDIN NË MOÇAL VARFËRIE

Demoratët e kanë bojkotuar takin duke dështaur me turp tubimi i rradhës

Basha nga Puka: Është koha të shporrim Ramën, babëzia e tij ktheu vendin në moçal varfërie

Kreu i opozitës Lulzim Basha, ka organizuar pasditen e sotme një takim me strukturat lokale të PD, në Pukë.

Ai u shpreh se qeveria e Edi Ramës i ka shkaktuar vendit dhe familjeve shqiptare vetëm dëme këto 6 vjet.

‘Organizata e strukturuar kriminale e rilindjes, e shndërroi vendin në një moçal të papunësisë e të mjerimit, ku nuk ka më as punësim, as shanse për rininë, madje as krijim të familjeve të reja, siç informohem me shumë trishtim se po ndodh në Pukë e në të gjithë vendin’, tha Basha.

Duke e cilësuar Parlamentin si landfillin e Republikës, Kryetari i Partisë Demokratike tha se çdo vendim i marrë prej tij, është kundër interesit publik.

‘Janë vendime për të vjedhur buxhetin, për të vjedhur pasuritë e vendit, për të vjedhur pyjet, malet, lumenjtë, mineralet, naftën, bregdetin, me PPP, koncesione, tendera. Kanë shpikur gjithëfarë mënyrash vetëm një qëllim: vjedhjen dhe grabitjen e pasurive të shqiptarëve, vjedhjen dhe grabitjen e taksave të shqiptarëve, për hesap të 5 bandave kriminale dhe 5 oligarkëve, që përbëjnë qeverinë e vërtetë të hajdutit psiqik Edi Rama’, theksoi kreu i opozitës.

Më tej Basha tha se varfëria është produkti i qeverisjes së Edi Ramës.

‘Hajdutëria, babëzia dhe grabitja e shfrenuar që Rama dhe banda e tij i bëjnë Shqipërisë kanë prodhuar papunësi ekstreme, koston e jetesës më të lartë në rajon, të ardhurat më të ulëta për frymë, çmimet bazë të naftës, energjisë, të ujit, taksat në nivelet më të larta të rajonit.”- u shpreh zoti Basha në Pukë, ku falenderoi qytetarët e saj që, pavarësisht presionit të familjes kriminale Frroku dhe ushtarit të tyre, Gjon Gjonaj; u bënë pjesë e refuzimit kombëtar të Edi Ramës. “Ashtu siç patëm paralajmëruar, 30 qershori u kthye në një referendum kombëtar “Rama ik”, u kthye në një varrezë politike të organizatës kriminale dhe hajdute të Rilindjes. 85 % e shqiptarëve treguan përmasat e vërteta të shumicës së re në vend, të shumicës “Rama ik”. Ka ardhur koha ta shporrim këtë pakicë kriminale nga Puka dhe nga gjithë Shqipëria’, shtoi Basha.