Lista me emrat/ Bilanci i vetingut, kush janë prokurorët dhe gjyqtarët që iu besua drejtësia

Rreth 170 subjekte rivlerësimi kanë kaluar në sitën e Komisionit të Pavarur të Kualifikimit, që prej seancës së parë që ka zhvilluar ky institucion.

veting

 

  

 

 

Prokurorë, gjyqtarë dhe këshilltarë ligjor janë përballur me hetimin e trefishtë të KPK, ku një pjesë e konsiderueshme e tyre nuk kanë arritur të konfirmohen në detyrë. I pari që doli përballë Komisionit, në seancë dëgjimore, është Fatos Lulaj, ishgjyqtari i Gjykatës Kushtetuese. Lulaj u shkarkua pasi nuk justifikonte dot pasurinë, dhe pas tij do të vinin seanca të tjera me personazhe të njohur të sistemit të drejtësisë, një pjesë e të cilëve nuk ia dolën të qëndronin në sistem.

E kur kanë kaluar rreth 1 vit e gjysmë nga nisje e procesit të vetingut, janë kontrolluar në të tria kriteret, pasuria, pastërtia e figurës dhe aftësitë profesionale, rreth 170 subjekte, prej të cilëve, 72 prokurorë e gjyqtarë janë konfirmuar për të vazhduar më tej. 58 subjekte nuk kanë arritur të marrin dritën jeshile dhe janë konsideruar të papërshtatshëm për të dhënë drejtësi. Ndërkohë, procesi është ndërprerë për disa të tjerë, të cilët kanë dhënë dorëheqjen ose kanë dalë në pension.

FAZA E PARË

Gjatë vitit të parë të Komisionit të Pavarur të Kualifikimit, dolën në seancë dëgjimore emra të rëndësishëm të sistemit, siç ishin anëtarët e Gjykatës së Lartë dhe asaj Kushtetuese, institucione që në përfundim të procesit të rivlerësimit, dolën jashtë funksionit për shkak të shkarkimit të anëtarëve. Gjyqtarët Fatos Lulo, Altina Xhoxhaj, Fatmir Hoxha, Admir Thanza, Gani Dizdari, Tomë Ndreca e Artan Zeneli u shkarkuan për pasurinë duke lënë bosh Gjykatën Kushtetuese dhe atë të Lartën.

Në radhët e prokurorëve të cilët nuk arritën të kalonin vetingun janë: drejtuesi i Prokurorisë së Tiranës, Dritan Rreshka, prokurorët i Tiranës, Gentian Trenova e Adriatik Cama. Procesit të rivlerësimit nuk i shpëtuan edhe figura të tjera nga Prokuroria e Përgjithshme, siç ishte Rovena Gashi e shkarkuar, por edhe vetë Kryeprokurorja Arta Marku, që u konfirmua .

FAZA E DYTË

Në fazën e dytë të procesit të rivlerësimit, KPK vlerësoi dhe pritet të vlerësojë në të tria kriteret kandidatët e mundshëm të SPAK, Gjykatës Kushtetuese dhe Gjykatës së Lartë. Gjatë këtij viti, kanë dalë në seancë dëgjimore edhe drejtues të gjykatave dhe prokurorive në rrethe.

Në fillim të këtij viti, ishte drejtuesja e Krimeve të Rënda, Donika Prela, që mes disa dyshimeve për pasurinë, arriti të konfirmohej në fazën e parë. Para KPK, dolën gjyqtarë dhe prokurorë të Krimeve, siç ishin Fehmi Petku dhe Idriz Mulkurti, tashmë të shkarkuar. Më tej, si kandidatë për Prokurorinë e Përgjithshme, me hetimin e trefishtë u përball edhe ish-drejtuesi i Prokurorisë së Krimeve të Rënda, Olsian Çela, i cili u konfirmua. Në sitë kanë kaluar edhe një pjesë e kandidatëve të SPAK, prej tyre deri më tani janë shkarkuar 2, Shkëlzen Cena dhe Eugen Beçi.

NDËRPRERJA E VETINGUT

Gjatë vitit 2018, Komisioni i Pavarur i Kualifikimit ndërpreu procesin e rivlerësimit për 7 subjekte, konkretisht për gjyqtarin Besnik Imeraj, ish-Kryeprokurorin Adriatik Llalla. Procesi u ndërpre edhe për Ermir Betën, Brunilda Kasmin, Merita Xhanin, Genci Sinjarin dhe Valbona Balën. Ndërkohë gjatë vitit 2019, ndërprerja e procesit është bërë për 23 subjekte, kjo për shkak të daljes në pension.

NË VJESHTË PËRFUNDON VLERËSIMI I KANDIDATËVE TË SPAK

Një pjesë e kandidatëve të vlerësuar pozitivisht nga Këshilli i Lartë i Prokurorisë për të qenë pjesë e Strukturës së Posaçme Antikorrupsion, kanë dalë para KPK, ndërsa pjesa tjetër pritet të dalë në muajin shtator. Të hetuar me përparësi, në seancë dëgjimore gjatë shtatorit do të dalin prokurorët Anton Martini, Elisabeta Imeraj, Doloreza Musabelliu dhe Ndini Tavani. Struktura e Posaçme Antikorrupsion, e njohur gjerësisht si SPAK, do të jetë e specializuar për hetimin e korrupsionit dhe krimit të organizuar. Prandaj edhe një nga kriteret e parashikuara në ligj për anëtarin e Prokurorisë së Posaçme, është edhe eksperienca në hetimet për krimin e organizuar dhe korrupsionit.

TE BESUARIT E SISTEMIT

Vitore Tusha
Manjola Xhaxho
Marçela Shehu
Ilir Toska
Brikena Ukperaj
Nertina Kosova
Astrit Faqolli
Ardian Dvorani
Mehdi Bici
Dritan Hallunaj
Brunilda Kadi
Artur Malaj
Gentjan Medja
Enton Dhimitri
Alma Brati
Alma Kolgjoka
Emona Muçi
Fatjona Memçaj
Anila Leka
Dritan Prençi
Vate Staka
Arta Marku
Kosta Beluri
Besnik Muçi
Arben Dollapaj
Adnand Xholi
Bujar Sheshi
Sokol Stojani
Besnik Cani
Arben Kraja
Eloida Goxhi
Alfred Progonati
Adnand Kosova
Arnisa Këlliçi

Miranda Nakaj
Arta Vorpsi
Fjona Papajorgji
Klodiana Vezizi
Vladimir Mara
Kastriot Selita
Manjola Kajana
Esmeralda Keshi
Edvin Kodili
Margarita Buhali
Saida Dollani
Behar Dibra
Ened Nakuçi
Enkeleda Millonai
Dhimitër Lara
Sotir Kllapi
Artan Shtrungza
Sokol Binaj
Elidjana Kasa
Dhorina Theodhori
Rexhep Bekteshi
Esmeralda Xhili
Albana Boksi
Petrit Çano
Ornela Naqellari
Dritan Peka
Donika Prela
Eriol Roshi
Elsa Toska
Altin Binaj
Gentian Jahjolli
Eloida Goxha
Adrian Shega
Alma Muça

/PANORAMA

Leave a Reply

Your email address will not be published. Required fields are marked *