Memoriali “Erdogan” / Ragon Veliaj: “Falenderojmë Partinë Demokratike që dha konsensus”

MEMORIALI PËR GRUSHTIN E SHTETIT NË TURQI TE LIQENI, REAGON VELIAJ: T’I LEMË TË VDEKURIT TË QETË, ATA QË ANKOHEN….

Memoriali për grushtin e shtetit në Turqi te Liqeni, reagon Veliaj: T'i lemë të vdekurit të qetë, ata që ankohen....

Kreu i bashkisë së Tiranës, Erion Veliaj reagon për memorialin e vendosur tek Liqeni Artificial në nder të viktimave të grushtit të shtetit në Turqi.

Teksa ka vizituar Komunitetin Mysliman me rastin e Kurban Bajramit, në një prononcim për mediat Veliaj u pyet edhe për vendosjen e këtij memoriali.

Kreu i bashkisë theksoi se është vendosur në cep të liqenit, duke thumbuar të gjithë ata që e kundërshtojnë.

“Në atë territor ka mbi 50 pika, ku janë kujtuar raste të ndryshme, dhe secili ka mundësi të respektohet. Unë do të thosha t’i lëmë të vdekurit të qetë dhe kush do që t’i respektojë me një qiri, me një lule apo me një lutje, t’i lëmë gjithashtu të qetë. Tirana zemërmadhe ka vend për të gjithë. Ndaj, për të gjithë ata që vapa e gushtit i kapi në ngut për fletërrufe, s’ka ndodhur asnjë hata, le më tradhti apo ndonjë shkelje e kësaj natyre. Pushime të mbara të gjithëve dhe gëzuar festën”, tha Veliaj.

“Nuk i prish punë askujt. Më thonë është në cepin e Liqenit, ku shumica prej atyre që ankohen as iu ka rënë në mendje kur ishte mbuluar me ferra dhe kur digjej plastikë dhe ku zaptohej si territor. Lart, në katin e dytë të KMSH lashë duke u përqafuar drejtuesin e të krishterëve me drejtuesin e myslimanëve. Kjo është fryma e kësaj feste, të fokusohemi tek gjërat që na bashkojnë’. Tirana është zemër e madhe, ka vend për të gjithë’, përfundoi Veliaj.

Memoriali për viktimat e asaj që është cilësuar si grusht shtetit më 15 korrik 2016 në Turqi u vendos ditën e djeshme te Liqeni Artificial në Tiranë.

Teksa u mbajt edhe një ceremoni, ky memorial ka marrë edhe shumë kritika.

5d4ddd9ed50c6permendore.jpg

Leave a Reply

Your email address will not be published. Required fields are marked *