Plas sherri: PD do bojkotoj edhe 13 tetorin / LSI do garojë e vetme

Presidenti Ilir Meta ka reaguar sërish sot, duke ju kujtuar palëve politike se e vetmja zgjidhje për krizën politike në vend, janë zgjedhjet e 13 tetorit.

Në një reagim në rrjetet sociale, Meta shkruan se pa zgjedhje nuk ka demokraci dhe pa këtë të fundit nuk ka drejtësi.

E vetmja zgjidhje janë zgjedhjet. Pa zgjedhje nuk ka demokraci. Pa demokraci nuk ka drejtësi të pavarur. Pa të dyja së bashku nuk ka të drejta dhe ekonomi për të gjithë shqiptarët. Dhe as ndëshkim për politikanët.
Moszgjidhja i shërben vetëm pakicës që nuk njeh rotacion dhe nuk e do çeljen e negociatave të Shqipërisë🇦🇱 me Bashkimin Europian🇪🇺, pasi ka për të humbur gradualisht pushtetin e paligjshëm politik, ekonomik dhe mediatik.
18 tetori po afron!”, shkruan Meta.

Kujtojmë që ditën e djeshme ishte afati i fundit i regjistrimit të subjekteve zgjedhore në zgjedhjet e 13 tetorit, të dekretuara nga Meta. Partia Demokratike, edhe pse i njeh ato, nuk u regjistrua, për shkak se nuk janë plotësuar sipas saj kushtet e nevojshme, siç janë largimi I Ramës dhe krijimi I një qeverie tranzitore./Gazeta Liberale