Policia ‘mësyn’ në Borsh, pronari i një lokali sulmon turistët spanjollë. Nuk u pëlqeu shërbimi dhe ikën, por…

Një situatë e paprecedentë është shënuar në Borsh këtë të enjte, ku një grup turistësh spanjollë që udhëtonin me furgon, është sulmuar.


  

 

Sic bëhet me dije, turistëve që kishin ardhur me Jaht nga Saranda, nuk i ka pëlqyer shërbimi në një lokal në plazhin e Borshit dhe kanë tentuar të largohen. Por pasi kanë hipur në furgonin e tyre, janë ndjekur nga pronarët e lokalit, të cilët mësohet se kanë goditur me grushte turistët.

Më pas dëshmitarët thanë se janë nxjerrë edhe armë të ftohta.

U thyen xhamin e furgonit, i cili ka tentuar të shpëtojë duke u larguar nga vendi i ngjarjes.

Furgoni sapo ka arriitur në vendin që quhet Volloder është përballur me një furgon të FNSH, i cili ka ndërhyrë menjëherë.

Raportohet se forca të shumta të policisë së Himarës, Sarandës dhe FNSH janë vënë në ndjekje të autorëve.

Brenda furgonit ishin 7 persona, prej të cilëve 5 spanjollë, shoferi dhe shoqëruesi i turistëve.