Skandali seksual mes Bill Clinton dhe Monica Lewinsky/ Ngjarja më e bujshme do të bëhet film

Mes viteve 1995 dhe 1997 një skandal seksual mes Bill Clinton dhe Monica Lewinsky-n, do të bënte bujë të madhe në të gjitha mediat dhe u bë ngjarja më e përfolur e momentit.

Linda Tripp, ish-zyrtare e Pentagonit, nisi të përgjonte telefonatat e Monica-s ku fliste për marrëdhënie intime me Presidentin, duke zbuluar të fshehtën e tyre.

Kjo histori e skandalit të bujshëm seksual mes ish-Presidentit Bill Clinton dhe ish-praktikantes në “Shtëpinë e Bardhë”, Monica Lewinsky, do të vijë shumë shpejt si serial.

Këtë sezon, “American Crime Story” do të quhet “Impeachment” dhe sipas “E!News”, do të tregojë akuzat e shumta ndaj Clinton. Rolin e Linda Tripp do ta luajë Sarah Paulson, ndërsa Monica Lewinsky do të luhet nga Beanie Feldstein, ndërsa vetë Monica do të jetë producente, ndërsa skenari do të shkruhet nga Sarah Burgess.

Pritet që seriali të nisë trasmetimin më 27 shtator të vitit 2020.