Të hënën pritet arrestimi i Vangjush Dakos

Fletë thirrje për Vangjush Dakon, pas ndalimit nga SHBA kërkohet paraqitja tek Krimet e Rënda

Burime brenda prokurorisë së Krimeve të Rënda konfirmojnë se të hënën arrestohet Vangjush Dako

Pas shpalljes “non grata” të ish-kryebashkikaut Vangjush Dako dhe familjes së tij, vjen lëvizja e parë nga Gjykata e Krimeve të Rënda.

Sot Dakos i është dërguar një fletë thirrje për tu paraqitur në gjykatë, fill pas njoftimit nga VOA lidhur me qëndrimin e tij në SHBA.

Burime bëjnë me dije se në shtator do të jetë paraqitja e tij e dytë mbi përgjimet e medias prestigjoze “Bild”. Gjithësej janë tre përgjime në të cilat rezulton të përmendet emri i ish-kryebashkiakut të Durrësit.

Kujtojmë se shpallja “non grata” erdhi pasi ish-kryebashkiakut të djathtë i doli emri në përgjimet e famshme të “BILD”, fakt i cili tregon se informacioni i dhënë nga Bild është i vërtetë.

Në shkrimin e publikuar nga VOA, u njoftua se Sekretari i Përgjithshëm i SHBA kishte burime të sigurta se Dako ishte pjesë e aferave të mëdha korruptive.

Bisedat e përgjuara kulmojnë para dhe pas zgjedhjeve të 25 qershorit, ku në bisedat e publikuara në media, Altin Avdyli flet hapur për shit-blerje votatash.

Ndërkohë në kuadër të këtij hetimi është në burg Altin Avdyli, i njohur si Niçja, i arrestuar si pjesë e grupit të Shijakut të akuzuar për trafik lëndësh narkotike nga Shqipëria në drejtim të Gjermanisë.