“Kanë qenë me këpucë Gjirokastra, tani kanë 2 mijë hektarë”- Ngjela flet për pasurimin e disa zyrtarëve të lartë: SPAK do godasë, tani e ka të lehtë pasi…

Avokati i njohur Spartak Ngjela, ndërsa foli mbi pasurimin e disa zyrtarëve të lartë të shtetit, tha se ka nga ata që  “kanë qenë vetëm me këpucë dhe tani kanë 2 mijë hektarë tokë në Tiranë”.

I ftuar në rubrikën e emisionit “Opinion” në “News 24”, Ngjela u shpreh se SPAK do të godasë dhe se tashmë do ta ketë më të lehtë situatën, duke qenë se njëri krah politik, opozita jashtë parlamentit, nuk ka më mbrojtje ligore, pas dorëzimit të madateve.

“SPAK e ka tani të lehtë situatën. Kjo sepse njëri krah i politikës nuk ka mbrojtje ligjore se ka dorëzuar mandatet. Maxhoranca edhe mund t’i mbrojë në parlament, sepse donin të ndryshonin ligjin, donin prova në parlament. Parlamenti nuk është organi kompetent që të ketë në dorë çështjen e provës. Ka këtu persona që kanë qenë me një palë këpucë Gjirokastra, tani kanë 2 mijë hektarë. Dy mijë hektarët ia kanë gjetur. Ky është gjykimi. Do vijnë dhe do gjejnë. X do shikojë që paska bërë pasuri. Ligji të prezumon hajdut e jo të pafajshëm. SHBA ka interes të madh në vendin tonë”, tha Ngjela.

Avokati nënvizoi se institucionet në vend nuk funksionojnë dhe se gjykatat po ashtu kanë probleme.

“Nuk ka krizë politike. Ne ishim në krizë politike, kur opozita ishte në parlament. Jo, s’ka krizë. Krizë politike quhet kur bllokohet parlamenti. Nëse do dalë që opozita do dalë prapë të bllokojë reformën, prapë do ketë krizë. Institucionet ka 30 vjet që janë blozë, një partiake. Vjen një parti dhe heq të tjetrit e vendos të vetët. Reforma në drejtësi do të japë garanci, ata që punojnë do të kenë të drejta. S’ka shtet, s’ka ligj, prandaj. Nuk ka gjykata. Këtu nuk është gjendja normale. Ju e quani normale që gazetaria vë gjoba në 30 përqind të rasteve, Nuk do ketë më gjoba, do ikin, do fluturojnë të gjitha. Kontrolli i gjyqtarëve bëhet sot shumë i fuqishëm, duke u kontrolluar në mënyrë drastike. Kontrolli i gjyqtarëve është drastik”, deklaroi Ngjela.