MEDIA BRITANIKE: SHKOLLAT NË QYTETIN VERIOR SHQIPTAR PO ZBRAZEN, TË RINJTË PO REKRUTOHEN NGA BANDAT E DROGËS NË ANGLI

Qyteza e Krumes

Media britanike ‘The telegraph’, ka bërë një shkrim kushtuar qytezës së vogël veriore shqiptare të Krumës, e cila sipas saj po zbrazet çdo ditë e më shumë nga të rinjtë.

Sipas medias britanike, të rinjtë nga Kruma braktisin shkollën për tu rekrutuar më pas nga bandat shqiptare të drogës në Britaninë e Madhe, ku  djemtë nga Kruma shpeshherë janë edhe bosët e industrisë së kanabisit.

Artikulli i The Telegraph: 

Shkolla e verdhë në qendrën e qytetit të Krumes ndoshta mund të mbyllet brenda pesë viteve të ardhshme.

Ndërkohë që dy vjet më parë kjo shkollë kishte 100 nxënës, tani ka vetëm 60 të tillë.

‘Çdo vit ka një ulje të ndjeshme dhe tani edhe fëmijët e moshës fillore po largohen’, thotë Elis Dibra, drejtori i arsimit në këtë zonë.

Mijëra të rinj kanë braktisur këtë qytet në Shqipërinë Veriore vitet e fundit për në Mbretërinë e Bashkuar, dhe tani madje edhe fëmijët e moshës shkollore po bashkohen me ta.

Shumë prej tyre rekrutohen për të punuar në tregtinë e drogës në Britani të kapur gjithnjë e më shumë nga bandat shqiptare.

,Djemtë nga Kruma janë bosët e industrisë së kanabisit’, tha Andi, një djalë i zonës i cili më parë lidhte njerëz me trafikantë shqiptarë në Britaninë e Madhe.