Putin po e humb Moskën?

Partia në pushtet në Rusi, të cilën e përkrahë Putini, ka humbur një numër të rëndësishëm të mandateve në Moskë në zgjedhjet lokale.

Zgjedhjet e së dielës janë prej zgjedhjeve më të vëzhguara viteve të fundit sepse pushteti e ka përjashtuar një numër të madh të partive opozitare nga gara zgjedhore, për çka janë organizuar shumë protesta, vlerëson Reuters.

Këto protesta kanë filluar qysh në korrik pasi Komisioni Qendror Zgjedhor i Rusisë ka vendosur të mos regjistrojë një numër të madh të partive dhe kandidatëve opozitarë, gjoja se nuk kanë arritur të tubojnë numër të mjaftueshëm të nënshkrimeve të votuesve.

Liderët e përjashtuar opozitarë, bashkëpunëtorë të liderit të opozitës ruse Alexei Navalny, kanë vlerësuar se ky veprim ka për qëllim që ata të përjashtohen nga zgjedhjet në mënyrë që ta mos fitojnë Moskën.

Më pas Navalny ka rekomanduar gjithë përkrahësve të opozitës që megjithatë të dalin në zgjedhje lokale dhe të votojnë për atë kandidat opozitar i cili ka më së shumti shanse ta mundë Rusinë e Bashkuar në pushtet.

Mirëpo, edhe partia në pushtet kishte përgatitur përgjigje për këtë. I ricilësoi kandidatët e sajë, duke i prezantuar si të pavarur, edhe pse në të vërtet bëhet fjalë për politikanë roli dhe përkatësia partiake i të cilëve tashmë me dekada është e njëjtë.

Sipas të dhënave më të reja nga zgjedhjet e mbajtura në Moskë, të cilat i ka transmetuar agjencia ruse RIA, partia e Putinit ka humbur rreth një të tretën e vendeve në kryeqytetin rus dhe tani kontrolli i Moskës është nën një pikëpyetje të madhe./Insajderi.com.

Leave a Reply

Your email address will not be published. Required fields are marked *