Video-Çahet mes për mes pallati i ish deputetit socialist në Durrës

Të shumta janë ndërtesat që janë dëmtuar në Durrës nga tërmetet e djeshme.

Në videon e mëposhtme duket qartë dëmtimi që ka pësuar nëj pallat i ndëryuar në vitin 2009. Pallati ndodhet në lagjen numër 17, rruga Neki Libohoha, që ndryshe në Durrës njihet si zona e ish URT-së. Pas tërmeteve të njëpasnjëshme që goditën dje vendin, godina 12 katëshe ka pësuar çarje të thella mes për mes edhe pse ka qënë i projektuar për të përballuar një tërmet 11 ballësh. Pallati është ndërtuar në vitin 2009 fillimisht i nisur nga biznesmeni socialist, ish deputeti  Hazir Gashi.

Sot  Durrësi është vizituar nga kryeministri Edi Rama i cili ka takuar të ashtuquajturin Shtabin e Emergjencave, por në praktikë nuk është marrë asnjë masë. Siç duket gjithçka është propagandë në rrjetet sociale dhe asgjë më shumë.

Ndërkohë një pjesë  e banoreve edhe sonte janë në qiell të hapur në stadiumin Niko Dovana ndërsa pjesa tjetër janë shpërndarë tek të afërmit./CNA.al