Zbulohet Kryebashkiaku që do denoncojë nesër PD

Prej disa ditësh zyrtarë të ndryshëm të Partisë Demokratike shkruajnë në rrjetet sociale se ditët në vijim do të ketë një tjetër denoncim për një kryebashkiak të Rilindjes i cili ka fshehur dënimin.

Këtë e konfirmoi zyrtarisht në një konferencë për mediat edhe Gazmend Bardhi, krahu i djathtë i Lulzim Bashës.

CNA.al mësoi, nga burime zyrtare brenda PD, se nesër do të publikohen akuza për kryebashkiakun e Vaut të Dejës, Mark Babani. Ashtu si në rastet e mëparshme janë përgatitur disa materiale të ndryshme, ditë pas dite, deri në publikimin e plotë të dokumentave.

Burimet nga PD, theksuan se prej dy javësh në Itali ka qenë Zef Hila, ish-kryebashkiaku i Vaut të Dejës, i shoqëruar nga një gazetar dhe kanë mundur të sigurojnë dokumentacionin që PD pritet ta bëjë nesër publike./CNA.al

Leave a Reply

Your email address will not be published. Required fields are marked *