“Futet një halabak dhe edukon me muzikë banale fëmijët”/ Rovena Dilo revoltohet kundër kolegëve

Këngëtarja shqiptare Rovena Dilo është cilësuar gjithmonë si një nga artistet më të dashura për publikun shqiptar. Me një karrierë të gjatë muzikore, Rovena i ka dhënë shumë për muzikës shqiptare duke sjellë këngë me mesazhe të rëndësishme për shoqërinë.

Por e ftuar së fundmi në emisionin “Rreze Dielli”, Rovena foli së bashku me dy bashkëpunëtorët e saj Hit Man dhe Rolla, rrëth këngës “Cinderella”, me të cilën do të konkurojë këtë vit në Këngën Magjike, por edhe duke akuzuar kolegët e saj për tekstet banale të cilat i dëgjojnë edhe fëmijët.

Ajo thotë se:

“Kur rritesh gjërat bëhen më të bukura. Jam në një moment shumë të mirë, jam e lumtur që kam gjetur dy djemtë si bashkëpunëtorë. Një kritikë që na bëjnë neve brezit të fortë të këngës moderne shqiptare të pas viteve ’90 është që prodhojmë shumë pak këngë. Kjo është një arsye më shumë që në treg dëgjohet muzikë skarco. Këto këngë edukojnë tregun tonë jo fort të orientuar mirë. Por brezi nuk duhet të edukohet kështu. Psh Greqia e ka shumë të fortë strukturën edukatore muzikore, ka traditë në muzikë. Kurse këtu futet një ‘halabak’ duke kënduar dhe edukon me tmerr muzikal, me muzikë banale fëmijët. Muzika është ushqimi kryesor i shpirtit!” shprehet këngëtarja.