“Mohoi njohjen me Moisi Habilaj”- Gjykata: Ja çfarë rezulton nga analizimi i provave. Tahiri ka komunikime me…

pas 39 ditësh vendimin e dënimit ndaj ish-ministrit të Punëve të Brendshme, Saimir Tahiri, vendim i marrë më 19 shator.

Ndërsa arsyeton vendimin e dhënën për ish-ministrin, në vendim, Gjykata flet edhe për njohjen e Tahirit me Mosi Habilaj.

Saimir-Tahiri- flet-gjykata-vendimi-konferenca (3)

Sipas vendimit të gjykatës, analizimi i provave ka treguar se Tahiri dhe Moisi Habilaj kishin njohje, ndonëse në deklarimet e tij, ish-ministri kishte mohuar njohjen me të.

Megjithëse nuk u provua përtej çdo dyshimi të arsyeshëm që marrëdhëniet mes të pandehurit Saimir Tahiri dhe të pandehurit në procedim të lidhur Moisi Habilaj të kenë qenë në nivelin e bashkëpunimit për kryerjen e trafikimit të narkotikëve, gjykata vëren situata të pashpjegueshme plotësisht nisur nga funksioni publik i rëndësishëm i Ministrit të Brendshëm që ka mbajtur i pandehuri Saimir Tahiri në periudhën respektive, të cilat nuk gjejnë argumentim e dalin prej kuadrit të marrëdhënieve të farefisnisë së largët që ka pohuar vetë i pandehuri. Në deklarimet e tij i pandehuri ka mohuar njohjen me Moisi Habilaj, ndërkohë që nga provat e analizuara më lart rezulton e kundërta.

Moisi Habilaj është angazhuar drejtpërdrejtë vetë në dërgimin e mjetit lundrues në përdorim të Ministrit të Brendshëm për riparim në shtator 2014 në Itali. I pandehuri Saimir Tahiri nuk ka dhënë asnjë shpjegim për këtë. Përgjimet telefonike në shtator 2017 tregojnë se mes Artan Habilaj dhe të pandehurit Saimir Tahiri është ndërmjetësuar një takim nga shtetasi Kujtim Tahiri. I pandehuri Saimir Tahiri ka komunikime me shumë numra telefonikë me të cilët komunikojnë edhe të pandehurit në procedim të lidhur Moisi Habilaj dhe Florian Habilaj, deri edhe Armand Koçerri e Nezar Seiti”, thuhet mes të tjerash në vendimin e gjykatës.
12