Dhuna ndaj biznesmenit libanez, ja çfarë ndodhi 3 vjet më parë!

tentati i pak ditëve më parë ndaj prokurorit Arjan Ndoj risolli në vëmendje, dhunën ndaj biznesmenit libanez, Faadi Mitri.

Në shtator të 2016-ës u dhunua me shkop bejsbolli në Tiranë, biznesmeni libanez, Faadi Mitri në sy të gruas dhe vajzës së tij. Për dhunën e ushtruar ndaj Mitrit u akuzua Landi Muharremi, një nga personat që ishte në makinën e prokurorit Ndoj, kur u bë atentati.

Muharremi kishte pretendime mbi pronësinë e sipërfaqes së zonës turistike në zonën e Gjirit të Lalzit ku pritej që të investonte biznesmeni libanez me ndërtimin e një kompleksi. Për ngjarjen u arrestua Skënder Kraja ndërsa Muharremi u shpall në kërkim së bashku me kushëririn e tij. Kompania e Mitrit do të investonte 450 milionë euro te Gjiri i Lalzit. Sipas kompanisë, projekti e shndërronte Shqipërinë në një nga destinacionet kryesore turistike në Ballkan dhe do të kontribuonte në rritjen ekonomike të vendit. Por pas dhunimit fizik që iu bë presidentit te Omnix, Fadi Mitri, kompania u tërhoq nga investimi në Shqipëri.

LEXO DHE :  Rama: Ja sa qytetarë kanë kryer check up falas, këtë vit!

Ngjarja më pas u shndërrua dhe në debat politik, ku opozita akuzoi qeverinë se nuk arrin të sigurojë investitorët, ndërsa kryeministri Edi Rama u shpreh se çështja e pazgjidhur e pronave dhe vendimet e gjykatës në kohën e ish-kryeministrit, Sali Berisha, janë dora kriminele që dhunoi biznesmenin e huaj./K.C/dritare.net