Emocionuese, Reshat Arbana interpreton “Ne s’bëjmë gjumë kur dridhesh, se veç ty t’kem Shqipëri”

Fatkeqësia e madhe që i ndodhi Shqipërisë ka bërë që shqiptarët të jenë më të bashkuar se kurrë më parë.

Gjestet humane dhe ndihma e pakusht nuk ka munguar as nga shqiptarët e Kosovës, të cilët kanë gjithçka nga vetja për nënë Shqipëri, shkruan Indeksonline.Gjithë këtë unitet dhe dashuri mes veti më së miri e ka përshkruar shkrimtari dhe aktori i madh, Çun Lajç në poezinë ‘Kur dridhesh ti Shqipni’.

KËTO JANË VARGJET PREKËSE TË ÇUN LAJÇIT

“Shqipnisë sime t’luhatun”

Kur dridhesh ti

Ne s’bajmë gjumë Shqipni

Se tutemi po vdes

E rrajë jetimash mbesim

Të duem edhe kur vërshohesh

Ujnash

Edhe kur digjesh

Zjarresh

Edhe kur mallkohesh nesh

Kur luhatesh

Dridhesh e përkundesh

Tërmetesh

Si zogj t’futemi n’gji

E lutemi

Vetëm ti t’mos vdes

Ne

S’bajmë gjumë kur ti dridhesh

Se veç Ty t’kemi Shqipni”.

Kjo poezi që preku të gjithë shqiptarët në këto ditë të rënda, ka prekur edhe njëherë kur u interpretua nga i madhi, Reshat Arbana.Më poshtë video emocionuese e interpretimit fantastik të aktori të mirënjohur shqiptarë.