“Nga vendimi i Braçes te shantazhi i hapur i Xhafajt”, Meta flet pa doreza: SHBA janë si yll, si shpirt, por disa palaço ndërkombëtarë…

Duke dalë me një batutë, se Presidenca është bërë si fabrikë lajmesh ndërkohë që ka shumë detyra të rëndësishme për të bërë, kreu i Shtetit, Ilir Meta ka pasur një reagim të fortë për vendimin e KPA për shkarkimin nga detyra të të dekretuarit të tij për Kushtetuesen, Besnik Muçi.

 

 

“Jam me deklaratën e Blushit tim, zero surprizë nga vetingu i partisë, ai u shpall para disa ditësh nga zv.kryeministri për Besnik Mucin dhe e konfirmoj se ai që ditën e parë që ka hyrë në zyrë ka pasur presione politike për ta bërë pjesë të puçit për të penguar zonjën Marsida Xhaferllai për të ushtruar detyrën e saj si anëtare e Kushtetueses”- tha Meta ne nje deklarate per mediat, jashte godines se Presidences.

meta1

Pyetur nga media për emra konkretë, Meta ka theksuar prerë: Nëse doni emra nuk keni harruar besoj deklaratën e Xhafës që i bëri presion e shantazh anëtares Vitore Tusha, e cila jo vetëm kaloi vetingun e para por ka qëndruar me sforco kaq kohë në atë detyrë që të mbajë hapur Kushtetuesen që e bllokoi Rama me disa palaço ndërkombëtarë që kujtojnë se tallen me popullin sa herë të duan duke diskredituar rëndë vlerat e partnerëve tanë të nderuar”.

Lidhur me qëndrimin më të fundit të ambasades së SHBA-ve, Meta theksoi se “SHBA janë si yll, si shpirt, e kemi bërë Kushtetutën me ato dhe Venecia ka fol qartë, nuk bën dot dy emërime presidenti. Unë ua kam bërë të qartë, ata ndoshta punojnë me kushtetutën e Ramës Agacit, Dvoranit të vijnë me ekspertët e tyre, mos ti mbajnë të fshehtë, dhe unë do tu tregoj kushtetutën mbi të cilën jam betuar”.