Panik nga tërmeti në Korçë, qytetarët braktisin shtëpitë, raportohet për dëme materiale

Në orët e para të mëngjesit të sotëm lëkundje të fuqishme tërmeti janë ndjerë në Korçë.

Mësohet se tërmeti ka qenë me magnitudë 5.2 dhe epiqendra në fshatin Miras të Devollit.

Lëkundjet kanë zgjatur disa sekonda dhe kanë shkaktuar panik tek banorët të cilët kanë dalë në rrugë.

Raportohet për dëme materiale në fshatin Qafzezë të Kolonjës dhe Vidohovë të Devollit.

Janë dy fshatra të cilat u dëmtuan nga tërmeti i qershorit.

Lëkundjet u ndien edhe në disa qytete të tjera si Tiranë, Elbasan, Gjirokastër. Gjithashtu edhe në Greqi dhe Maqedoninë e Veriut.