“Paratë i ka siguruar me punë të ndershme”/ Balla publikon dokumentet, ironizon Bashën

Ndërkohë që, kreu i opozitës Lulzim Basha, është  i pandehur  për akuzën e falsifikimit të formularëve në lidhje me kontratat e lobimit në Shtetet e Bashkuara të Amerikës në shumën e 675 mijë dollarë, ka reaguar Sekretari i Përgjithshëm i Partisë Socialiste, Taulant Balla.

Përmes një shkrimi në rrjetet sociale, Balla ka zgjedhur të bëjë një “sqarim” për publikun, teksa publikon shkrimin e dokumenteve referuar rastit të Bashës.

“Për të qenë të qartë me publikun:

I PANDEHURI: Lulzim Basha i biri i Xhelal dhe i Remzije i datëlindjes 12.06.1974, lindur dhe banues në Tiranë, Pallati afër ish Hotel Sheraton, me gjendje civile i martuar, me shtetësi shqiptare, me gjendje gjyqësore i pandehur, hetuar pa masë sigurimi.

AKUZUAR se ka kryer veprën penale të “Falsifikimi i vulave, i stampave ose i formularëve” dhe të “Pastrimit të produkteve të veprës penale ose veprimtarisë kriminale” të parashikuar nga nenet 190/3 dhe 287-ç/2 të Kodit Penal.

ESHTË VËRTETUAR se ka paguar 500mijë dollarë + 175 mijë dollarë = 675 mijë dollarë (ka deklaruar se i ka paguar 500 mijë dollarë edhe publikisht).

Këto para i ka siguruar me punë të ndershme?

Kaq për sot!”, shkruan Balla./CNA.al

Leave a Reply

Your email address will not be published. Required fields are marked *