Policia kontrolle në disa banesa, dyshohej se Kajmaku fshihej tek të afërmit. Ja kërkesa nga arratia

Për disa ditë me radhë i është shmangur drejtësisë dhe vazhdon të qëndrojë në arrati. Agim Kajmaku, ish-kreu i Bashkisë Vorë, i shkarkuar nga KQZ-ja për shkeljen e ligjit të dekriminalizimit, për të cilin u lëshua një urdhërarresti më 11 nëntor, akuzohet për falsifikim të formularëve dhe ushtrim i funksioneve pas dhënies fund të detyrës.

Policia prej 10 ditësh, ka ushtruar kontrolle edhe në banesa në rrethinat e Tiranës, në familjarët të afërm të Kajmakut, për të parë mos fshihet aty.

Megjithatë ish-kryetari i Bashkisë së Vorës, Agim Kajmaku, edhe pse nga arratia kërkoi lirinë.

Kajmaku ka apeluar masën e sigurisë “Arrest me burg”, që ka dhënë ndaj tij në mungesë më 11 nëntor Gjykata e Tiranës.

Burimet thanë se avokati i Agim Kajmakut ka dorëzuar kërkesën për ndryshimin e masës së sigurisë në Gjykatën e Apelit.