Porosia e Ramës: Tirana dhe Durrësi duhet të ndriçohen për festat e fundvitit

Qarqet Durrës, Tiranë dhe Lezhë i kane ende të freskëta plagët që la pas tërmeti i 26 nëntorit.

E ndërsa festat e nëntorit kaluan në zi për 51 jetët e humbura në gërmadha, mbi 900 të plagosur dhe një dramë të vërtetë sociale,  porosia e Ramës për festat e fundvitit ka qenë e qartë.

Në këto qytete duhet të rinisë jeta, të kthehet shpresa dhe të zbukurohen si asnjë vit tjetër.

“Buxheti i gjithë programit të rindërtimit do të përmbajë një zë të veçantë që të dalim nga kjo situatë pos-katastrofike më mirë seç ishim para se të ndodhë kastrofa. Jetët e njerëzve nuk i kthejmë dot më por njerëzit që kanë humbur banesat tu sigurojmë një banesë më të mirë që kishim dhe qytetin të goditur rëndë dhe të plagosur ti sigurojmë një gjendje fizike më të mirë sesa para se të hynte në këtë kalvar. Tirana dhe Durrësi duhet të ndriçohen për Krishtlindjet dhe Vitin e Ri njësoj si qytetet e tjera. Atmosfera të jetë edhe më e bukur se vitet e tjera” deklaroi Rama në mbledhjen e jashtëzakonshme të qeverisë.

/Ora News.tv/

 

Leave a Reply

Your email address will not be published. Required fields are marked *