Protagonizmi në media/ Lubonja: Rama bën nusen në dasmë dhe arkivolin në mort

“Rama bën edhe nusen në dasmë, edhe arkivolin në mort”. Do të jetë gjithë kohën në qendër të vëmendjes”.

Kështu deklaroi mbrëmjen e sotme në emisionin “Real Story” analisti Fatos Lubonja, teksa po fliste për protagonizmin e kryeministrit Edi Rama në media.

“Populizmi nuk është i keq sepse do të thotë t’i drejtohesh popullit. Populistët i drejtohet popullit, kundër elitave në pushtet. Demagogu është i keq. Rama është elita në pushtet, është në krye të elitave në pushtet. Kemi të bëjmë me një demagog, një gënjeshtar që rri akoma në pushtet. Ajo që di të bëjë më mirë Edi Rama janë premtimet e vazhdueshme dhe shfaqja e tij e vazhdueshme me premtime.

Meqenëse dita ka 24 orë, unë nuk e di se kur punon seriozisht Edi Rama. Shteti ka struktura. Rama bën të gjitha. Nuk ka nevojë që të japë ERTV gjatë gjithë kohës.  Edi Rama i shton plus edhe narcizizmin e tij, duke bërë rolin e nuses në dasmë dhe arkivolin në mort. Do të jetë gjithë kohën në qendër të vëmendjes. Problemi është shumë i thellë, ka shumë probleme”, u shpreh Lubonja.