Arta Dade nuk pranon të këshillojë Ramën/ Tregon defektin e Kryeministrit

Ish ministrja e Jashme, Arta Dade, ka folur për takimin e kryeministrit, Edi Rama me kryeministrin e Kosovës, Albin Kurti.

Dade tha se e rëndësishme është që dy vendet duhet të bashkëpunojnë  dhe të venë në zbatim marrëveshjet.

Teksa iu kërkua në studion e TV “Abc News” të japë një këshillë për Ramën, ish ministrja socialiste vuri në pah një defekt të Kryeministrit.

“ Unë nuk besoj se ai merr në konsideratë këshillat e të tjerëve që janë me përvojë. Unë kam qenë ministre e Jashtëme me Majkon dhe Metën, kryeministra. Besoj se Nano dëgjonte më shumë dhe ishte më i ditur në fushën e politikës së Jashtme se Kryeministri aktual. Ka shumë kufizime në këtë fushë dhe po të mos ishte shumë gjëra do të ishin zhbllokuar”, deklaroi ajo.Teksa foli për bashkëpunimin rajonal, Dade tha se Serbia ka shkelur marrëveshjen dypalëshe dhe ligjin ndërkombëtar duke bërë këtë fushatë agresive kundër Kosovës.

Socialistja kritikoi kreun e qeverisë për marrëdhëniet e tensionuara me Kosovën pas marrëveshjes së Mini-Shengenit Ballkanik.

“Unë pata  një takim me disa të rinj dhe thonin çfarë ka ndodhur me kryeministrin e Shqipërisë, se Rama e ka izoluar Kosovën. I fundit fare është procesi i Berlinit që është edhe Kosova, ne s’kemi pse të marrim pjesë ku Kosova është e përjashtuar. Paraprakisht bisedohet me të gjithë aktorët shqiptarë. Nëse kryeministri i Shqipërisë cilido që të jetë nuk merret në konsideratë, madje është dhe një nga kërkesat që ka Kushtetuta, nisur nga kjo është edhe etike që kur ti ndërmerr një hap që ka të bëjë me bashkëpunimin rajonal, sepse ti je vendi më i thjeshtë për një etikë dhe që kombi shqiptar është një dhe i pandarë, këtë nuk po e them unë për herë të parë”, theksoi ajo./ CNA.al

Leave a Reply

Your email address will not be published. Required fields are marked *