Dha dritën jeshile për negociatat, Rama thumbon Macron në Mynih: Parisi i ngatërroi himnin Shqipërisë dhe i kërkoi falje Armenisë

Ditën e sotme Presidenti i Francës, Emmanuele Macron tha se nëse rezultatet e raportit të Komisionit Evropian (KE) – që pritet të publikohet në mars –për Shqipërinë dhe Maqedoninë e Veriut, janë pozitive, atëherë ai do të mbështesë nisjen e bisedimeve për anëtarësim në bllok për Tiranën dhe Shkupin.

rrama

 

 

Por kjo nuk e ndali kryeministrin Edi Rama që në konferencën e Sigurisë, në Mynih të thumbojë Parisin zyrtar. Para liderëve botërorë kryeministri Rama kujtoi incidentin e ndodhur në ndeshjen e futbollit mes Shqipërinë dhe Andorës. Bëhet fjalë për ndeshjen ku organizatorët ndryshuan himnin e vendit tonë me atë të Armenisë.

Sipas deklaratës së kryeministri Rama gabimi i Parisit zyrtar u shtua kur i kërkoi falje Armenisë që i kishte vënë himnin në vendin e gabuar dhe jo Shqipërisë.

Ndërkohë që po dëgjoja gabimet që po bëje po mendoja se ka gabime më të mëdha kur Shqipëria luajti në Paris futboll i vunë himnin e Andorës. Të gjithë u çuditën dhe pastaj francezët e kuptuan që kishin bërë gabim dhe pastaj i kërkuan ndjesë Armenisë që i kishin vënë himnin gabim. Kështu që faleminderit, por ka edhe më keq.

Unë isha 11 vjeç kur u krijua OSBE-ja ku Shqipëria jo vetëm ishte i vetmi vend që nuk mori pjesë, por ishte vendi që e denoncoi krijimin e OSBE-së si një përshkallëzim të degjenerimit të botës së perëndimit dhe të lindjes.

Ajo çfarë është mbresëlënëse është që vetë parimi themelues i OSBE-së është sovranitet, integritet territorial, të drejtat e njeriut dhe këto parime sot po diskutohen më tepër sesa ishin aso kohe dhe kjo është një sfidë e madhe”, tha Rama.