“Do të të vrasim dhe nënën tënde do ta *****”, truproja e Ozilit rrëfen sulmin ndaj mesfushorit

Njëri prej truprojave të futbollistit të Arsenalit Mesut Ozil rrëfeu në seancën e sotmë gjyqësore në Londër se lojtari gjerman është kërcënuar me vdekje nga dy persona mbrëmjen e 8 gushtit të vitit të kaluar.

 

Kemil Sezer dëshmoi para trupës gjykuese se Salaman Ekinçi dhe Ferhat Erçun ofenduan në gjuhën turke të ëmën e Ozilit si dhe kërcënuan se do ta vrisnin lojtarin në orën 19:30 të datës 8 gusht të vitit të kaluar.

“Ata u betuan duke thënë: ‘do të ***** nënën e Ozilit’. Pastaj u kthyen pas 5 minutash dhe kërcënuan se: ‘Do t’ju vrasim ju dhe Ozilin nëse nuk largoheni’ “, dëshmoi truproja e 31-vjeçarit Ozil.

Futbollisti mban prej kohësh truproja pasi u sulmua nga dy hajdutë në korrik 2019. Fatmirwsisht, ai u mbrojt nga shoku i skuadrws Sead Kolasinaç.